PETAR PUTINA Đenio

(19.04.1929.-05.10.2007.)

Tato moj, farminante si na dlanu nažginja
Trdi su bili kako puntali.
Bože moj, ča su sve provali!
U fešure se je zemlja zatukla,
A sve je zagladilo ulje od motora.
Z nikon pašton za težake si hi pra
Moja mati Ti hi je u večer mazala
U oči Te pogledivala i stobon patila.
Mala, z braton san spala,
Ma prije tega bin h van u postelju bižala.
Puvida si mi štorije-''ČA NI BILO I ČA NE BUDE''.
Svaku si večer drugu spensa
Bija si moj junak, a koliko Te volin
Samo Bog zna.
Reka si mi: ''Leži na trbuh da te rastaren.''
Maju si mi diga i z dlanon po životu pasiva.
Kako riba san se stizala.

Ostale su Tvoje grote, kupi, ordenje, vide…
Svi Tvoji trudi i crlena zemlja natopljena poton.
Finjena hiža ud grote nasrid velike korte.
Usta je sve okulo zid ud grote
Ustala san i ja
Sama tote.

Šči GRACIJELA